Спорт мактаблари футбол лигаси кубоги якунига етди
Фото: Спорт вазирлиги
Бугун Фарғона шаҳридаги “Тўқимачи” стадионида Спорт мактаблари футбол лигаси кубоги (U-13) мусобақаси ўз якунига етди.
Финал баҳсида Фарғона жамоаси Тошкент вилояти жамоасига қарши майдонга тушиб, рақиб устидан 4:0 ҳисобида зафар қучди ва мусобақанинг ғолиби бўлди.
Учинчи ўрин учун кечган баҳсда эса Қорақалпоғистон жамоаси муваффақият қозониб, совриндорлар сафидан жой олди.
Тақдирлаш маросимида Фарғона футбол ассоциацияси вице-президенти Носиржон Отақўзиев, Фарғона вилояти спорт бошқармаси бошлиғи Нодирбек Ҳакимов иштирок этиб, ғолиб ва совриндор жамоаларга кубок ва эсдалик совғаларини топширдилар.
Розикжон Султонмуродов
Журналист