“Special one” яна “авжига чиқди”

Футбол 02 апр 2025 да 19:05

Иброҳим Жалолов

Редактор

Ўзини “special one”, яъни “беназир” деб атовчи португалиялик мутахассис Жозе Моуринё Туркиянинг “Фенербахче” клубида янгидан-янги саргузаштлар билан фаолият юритишда давом этмоқда.

Гап шундаки, Моуринё шогиртлари Туркия кубоги доирасида “Галатасарой”га қарши баҳс олиб бордилар. Икки жамоа ўртасида майдонда дахшатли кураш кечди.

Биринчи бўлимнинг 10 ва 27 дақиқасида Осимҳенни дубли эвазига “Галатасарой” 2:0 ҳисобида олдинга чиқиб олган бўлса, биринчи бўлимга қўшиб берилган дақиқада “Фенербахче” футболчиси ҳисобдаги фарқни қисқартирди. Учрашув ҳаками ўйиннинг 90+2 дақиқасида “Фенербахче”нинг бир ва “Галатасарой”нинг икки футболчисини майдондан четлатди.

Учрашувдан кейин Жозе Моуринё асабларини жиловлай олмади ва яна “авжига чиқди”. Бу сафар “Беназир” рақиб жамоа бош мураббийи Окан Бурукнинг бурнига ҳужум қилди. Бу ҳаракатлардан кейин португалиялик мураббий бир нечта ўйинга четлатилиши мумкин. Жозе ўйин тугагандан кейин стадионни тарк этган ва учрашувдан кейинги матбуот анжуманида қатнашмаган.

Моуринё бу каби ҳолатни бир неча йиллар аввал “Реал Мадрид”да ишлаган даврларининг “Классико”сида ҳам қилган эди.