Соҳил футболи. Ўзбекистон терма жамоасининг гуруҳ босқичидаги тақвими
СОҲИЛ ФУТБОЛИ БЎЙИЧА ОСИЁ КУБОГИ-2026 ТАҚВИМИ ТАСДИҚЛАНДИ
Жорий йилнинг 18–28 ноябрь кунлари Таиландда соҳил футболи бўйича XII Осиё кубоги финал босқичи бўлиб ўтади.
Уч йилдан сўнг яна кучлилар сафига қайтган Ўзбекистон терма жамоаси C гуруҳидан жой олди ва икки карра Осиё чемпиони БАА, бир бор чемпионликни қўлга киритган Уммон ҳамда Саудия Арабистони терма жамоаларига қарши баҳс олиб боради.
Ўзбекистон терма жамоасининг гуруҳ босқичидаги тақвими:
19 ноябрь — Уммон – Ўзбекистон
21 ноябрь — Ўзбекистон – БАА
23 ноябрь — Саудия Арабистони – Ўзбекистон
Мусобақанинг барча учрашувлари Таиланднинг Пханг Нга шаҳридаги Memories Beach Arena мажмуасида ўтказилади.
Плей-офф босқичи 25 ноябрда бошланади. Гуруҳларда дастлабки икки ўринни эгаллаган жамоалар ҳамда учинчи ўринни олган жамоалар орасидаги энг яхши кўрсаткич қайд этган икки терма жамоа чорак финалга йўл олади.
Ярим финал учрашувлари 27 ноябрь, учинчи ўрин учун баҳс ва финал эса 28 ноябрь кунига белгиланган.
