Ўсмирларимиз Самарқандда машғулот ўтказишяпти
PHOTO: Telegram
Шу кунларда Ўзбекистон кадетлар терма жамоаси Самарқанд вилояти Тойлоқ Олимпия ва паралимпия спорт турларига тайёрлаш марказида жам бўлишган.
Ўсмир дзюдочиларимиз ўқув-машғулот йиғинида иштирок этишяпти. Саккизинчи июлга қадар давом этадиган машғулотларда ҳам ўсмирлар, ҳам қизлар терма жамоамиз қатнашяпти.
Самарқанддаги машғулот йиғини якунига етгач, терма жамоамиз хориж йиғинига йўл олади. Ўсмирларимиз 8-22 июл кунлари Грузиянинг Гори шаҳрида, қизларимиз эса худди шу саналар оралиғида Россиянинг Сочи шаҳрида ўтказиладиган халқаро машғулотларда тайёргарликни давом эттиришади.
Ушбу машғулотлар терма жамоаларимиз учун 3-4 июл кунлари Қозоғистонда ўтказиладиган Almaty Cadets Asian Cup 2025 турнирига тайёргарлик босқич вазифасини ўтаб бермоқда.
Иброҳим Жалолов
Редактор