Ўсмирлар терма жамоамиз Жаҳон чемпионати учун сўнгги тайёргарлик босқичини бошлади
PHOTO: Telegram
Шу кунларда таэквондо WT бўйича Ўзбекистон ўсмирлар терма жамоаси Тошкент вилоятининг Дукент шаҳрида жойлашган спорт базасида Россия Федерацияси ва Беларусь ўсмирлар терма жамоаси билан қўшма ўқув-машғулот йиғинни олиб бормоқда.
Машғулотлардан кўзланган асосий мақсад жорий йилнинг 8-14-май кунлари Бирлашган Араб Амирликларининг Фужайра шаҳрида бўлиб ўтадиган кадетлар ўртасидаги Жаҳон чемпионатига муносиб тайёргарлик кўришдир. Ушбу йиғин давомида терма жамоамиз катта мураббийи Константин Ли ўсмирларимизнинг мусобақа олдидан сўнгги тайёргарлигини кўздан кечириб олиниши режалаштирилган.
Тез орада дунё биринчилигида юртимиз шарафини ҳимоя қилувчи таркибимиз билан таништирамиз
Иброҳим Жалолов
Редактор