Слот ўзаро суҳбатдан сўнг Салоҳни таркибга қайтарди
«Ливерпул» ҳужумчиси Муҳаммад Салоҳ Англия Премьер-лигасининг 16-турида «Брайтон»га қарши ўйинга жамоа таркибига киритилди. Бу ҳақда Sky Sports хабар берди.
Маълум қилинишича, ушбу қарор футболчи ва бош мураббий Арне Слот ўртасида 12 ноябрь куни бўлиб ўтган суҳбатдан сўнг қабул қилинган.
Ҳужумчи «Ливерпул»нинг сўнгги тўртта ўйинида асосий таркибда майдонга тушмаган эди. Ўтган ҳафта охирида «Лидс»га қарши учрашувда заҳирада қолганидан сўнг, Салоҳ клуб ва мураббийга танқид билан мурожаат қилиб, ўзига ажратилаётган ўйин вақтининг асоссиз қисқартирилаётганини айтган эди.
Шу сабабли у 6-турдаги Европа Чемпионлар Лигаси «Интер» (1:0)га қарши ўйинга ариза рўйхатидан чиқариб юборилганди.
Шанба кунги ўйин Салоҳнинг «Ливерпул» сафидаги жорий йилдаги сўнгги учрашуви бўлади — ундан сўнг у Африка Миллатлар Кубогига жўнаб кетади.
