Слот: «Сафардаги ҳар бир ўйин ўзига яраша қийин»
Ушбу учрашув 9 ноябрда “Этихад” стадионида бўлиб ўтади.
ФОТО: Getty images
“Ливерпуль” бош мураббийи Арне Слот Англия Премьер-лигаси 11-туридан ўрин олган “Манчестер Сити”га қарши учрашув олдидан фикр билдирди.
Эслатиб ўтамиз, ушбу учрашув 9 ноябрда “Этихад” стадионида бўлиб ўтади.
“Сафардаги ҳар бир ўйин ўзига яраша қийин. Аслида уйда ҳам осон бўлмайди, аммо сафарда янада мураккаб давом этди. Менинг фикримча, “Сити” – “Ливерпуль” учрашуви мухлислар ва футболчилар учун ҳам қизиқарли. Шахсан мен ватанимда бўлган вақтимда бу учрашувни телевизор орқали томоша қилардим. Бу “классико” каби беллашув”, — деди Слот.
Маълумот учун, 10-турдан сўнг “Ливерпуль” 18 очко билан 3-ўринда бормоқда, “Манчестер Сити” эса 19 очко билан 2-ўринда. Жадвални Лондоннинг “Арсенал” клуби 25 очко билан бошқармоқда.
Розикжон Султонмуродов
Журналист