Слот: «Премьер-лига йилдан-йилга яхшиланмоқда, чунки барча жамоаларнинг пули кўп»
«Ливерпуль» бош мураббийи Арне Слот Англия Премьер-лигаcидаги чемпионлик учун кураш борасида фикр билдирди. Ҳозирча келаси мавсумдаги Чемпионлар лигаси зонасида қуйидаги жамоалар жой олган: «Арсенал» (33 очко), «Манчестер Сити» (28), «Астон Вилла» (27) ва «Челси» (24).
Ўн тўрт турдан сўнг 22 очко тўплаган «Ливерпуль» турнир жадвалида 9-ўринда бормоқда. Шу билан бирга, «Брайтон» (7-ўрин) ва «Манчестер Юнайтед» (8-ўрин) ҳам 22 очкодан тўплаган.
«Бу менга Премьер-лига бу мавсум қай даражада кучли эканини кўрсатади. Турнир йилдан-йилга яхшиланмоқда. Сабаби аниқ — барча жамоалар катта маблағларга эга. Бизнинг бош мақсадимиз — кучли тўртликка қайта олиш, чунки жорий ўрнимиздан мамнун эмасмиз», — дейди Слотнинг сўзларини келтиради Liverpool Echo.
Маълумот учун, шанба, 6 декабрь куни «Ливерпуль» «Лидс Юнайтед» билан ўйнайди. «Лидс» АПЛ турнир жадвалида 14-ўринда бормоқда, аммо чоршанба куни «Челси»ни 3:1 ҳисобида мағлуб этишга муваффақ бўлган.
