Slot: «Premyer-liga yildan-yilga yaxshilanmoqda, chunki barcha jamoalarning puli koʻp»
«Liverpul» bosh murabbiyi Arne Slot Angliya Premyer-ligasidagi chempionlik uchun kurash borasida fikr bildirdi. Hozircha kelasi mavsumgi Chempionlar ligasi zonasida quyidagi jamoalar joy olgan: «Arsenal» (33 ochko), «Manchester Siti» (28), «Aston Villa» (27) va «Chelsi» (24).
O‘n to‘rt turdan so‘ng 22 ochko jamg‘argan «Liverpul» turnir jadvalida 9-o‘rinda bormoqda. Shu bilan birga, «Brayton» (7-o‘rin) va «Manchester Yunayted» (8-o‘rin) ham 22 ochkodan to‘plagan.
«Bu menga Premyer-liga bu mavsum qanchalik kuchli ekanini ko‘rsatadi. Turnir yildan-yilga yaxshilanmoqda. Sababi aniq — barcha jamoalar katta mablag‘larga ega. Bizning bosh maqsadimiz — kuchli to‘rtlikka qaytish, chunki joriy o‘rnimizdan mamnun emasmiz», — deydi Slotning so‘zlarini keltiradi Liverpool Echo.
Maʼlumot uchun, shanba, 6 dekabr kuni «Liverpul» «Lids Yunayted» bilan o‘ynaydi. «Lids» APL turnir jadvalida 14-o‘rinda bormoqda, ammo chorshanba kuni «Chelsi»ni 3:1 hisobida mag‘lub etishga muvaffaq bo‘lgan.
