Слот: «Ҳозир ғазабдаман, лекин жамоада ўсиш бор»
«Ливерпул» бош мураббийи Арне Слот Англия Премьер-лигасининг 25-тури доирасида «Манчестер Сити»га қарши кечган баҳсдаги (1:2) мағлубиятдан сўнг ўз ҳис-туйғулари билан ўртоқлашди.
«Ҳозир ичимда ғазаб ва, албатта, жуда катта умидсизлик бор. Биринчи бўлимда «Сити» майдондаги энг яхши жамоа бўлди, гарчи улар кўп вазият яратмаган бўлсалар-да — фақатгина биринчи дақиқада Холанд билан боғлиқ эпизодни эслаш мумкин. Рақиб тўп билан эркинроқ ҳаракат қилди. Аммо, менимча, сўнгги уч-тўрт ой ичида эришган ўсишимиз бугун барчага яққол кўринди.
Иккинчи бўлимда биз даражани кўтардик — биринчи навбатда интенсивликни оширдик. Фаол прессинг қилдик ва бу охирги ойлардаги энг катта ютуғимиздир: энди бутун жамоа дунёнинг, эҳтимол, энг кучли жамоасига қарши юқори савияда ўйнай олади. Тўпсиз ҳаракат қилиш борасида ташлаган қадамимиз — бу аниқ олға силжишдир», — дея Слотнинг сўзларини келтирмоқда L'Équipe.
Айни дамда «Ливерпул» АПЛ турнир жадвалида 39 очко билан олтинчи ўринни эгаллаб турибди.
