Slot: «Hozir g‘azabdaman, lekin jamoada o‘sish bor»
«Liverpul» bosh murabbiyi Arne Slot Angliya Premyer-ligasining 25-turi doirasida «Manchester Siti»ga qarshi kechgan bahsdagi (1:2) mag‘lubiyatdan so‘ng o‘z his-tuyg‘ulari bilan o‘rtoqlashdi.
«Hozir ichimda g‘azab va, albatta, juda katta umidsizlik bor. Birinchi bo‘limda «Siti» maydondagi eng yaxshi jamoa bo‘ldi, garchi ular ko‘p vaziyat yaratmagan bo‘lsalar-da — faqatgina birinchi daqiqada Holand bilan bog‘liq epizodni eslash mumkin. Raqib to‘p bilan erkinroq harakat qildi. Ammo, menimcha, so‘nggi uch-to‘rt oy ichida erishgan o‘sishimiz bugun barchaga yaqqol ko‘rindi.
Ikkinchi bo‘limda biz darajani ko‘tardik — birinchi navbatda intensivlikni oshirdik. Faol pressing qildik va bu oxirgi oylardagi eng katta yutug‘imizdir: endi butun jamoa dunyoning, ehtimol, eng kuchli jamoasiga qarshi yuqori saviyada o‘ynay oladi. To‘psiz harakat qilish borasida tashlagan qadamimiz — bu aniq olg‘a siljishdir», — deya Slotning so‘zlarini keltirmoqda L'Équipe.
Ayni damda «Liverpul» APL turnir jadvalida 39 ochko bilan oltinchi o‘rinni egallab turibdi.
