Слот нима учун ёзда «Ливерпуль» Фримпонгни сотиб олганини айтди
Мерсисайдликлар Трентнинг ўрнини Жереми билан тўлдирди.
ФОТО: Getty Images
«Ливерпуль» бош мураббийи Арне Слот нима учун мерсисайдликлар «Байер» клубидан ўнг қанот ҳимоячиси Жереми Фримпонгни харид қилганини тушунтириб берди.
2025 йил ёзида «қизиллар» сафини Трент Александр-Арнольд тарк этиб, Мадриднинг «Реал» клубига йўл олган, унинг ўрнини эса Фримпонг билан тўлдиришга қарор қилинган эди.
«Вариантларни кўриб чиқар эканмиз, Жереми биз биринчи бўлиб эътибор қаратган футболчилардан бири бўлди. Бунинг асосий сабаби унинг жуда юқори тезлиги бўлди.
Темп — бу бир масала. Ҳужумга тез-тез уланишингиз керак бўлганида бу муҳим. Аммо масалан, «ПСЖ»нинг қанот ҳужумчиларига қарши ўйнаётганингизда, тезлик ҳаётий аҳамият касб этади», — деди Слот.
Насрулло Каримов
Журналист