Слот: «Ливерпуль» ҳеч қачон Жотанинг ўлими натижалар учун баҳона сифатида ишлатмайди»
«Ливерпуль» бош мураббийи Арне Слот АПЛнинг 12-туридан ўрин олган «Ноттингем Форест»га қарши ўйиндан олдин жамоа натижасига Диогу Жотанинг ўлими таъсири ҳақида гапирди.
Эслатиб ўтамиз, 2025 йил 3 июлда «Ливерпуль» ва Португалия миллий жамоаси вингери Диогу Жота автоҳалокатда вафот этди. У билан бирга унинг укаси Андре — Португалиянинг иккинчи лигасидаги «Пенафиел» клуби футболчиси ҳам ҳаётдан кўз юмди.
«У бизга наfaqat футболчи, балки инсон сифатида ҳам етишмаслиги аниқ. Ҳозир биз «Ноттингем»га қарши ўйнаймиз, ўтган мавсумда у ерда 0:1 ҳисобида мағлуб бўлганмиз, ва Жотага ҳисобни тенглаштириш учун атиги бир дақиқа керак эди. Шубҳасиз, биз уни инсон сифатида ҳам соғинамиз», — дея Слотнинг сўзларини келтиради ESPN.
«Бунинг футболчиларга ва натижаларимизга таъсирини ўлчашнинг иложи йўқ. Мен бундан ҳеч қачон баҳона сифатида фойдаланмайман. Бизга футболчи етишмаяпти ва инсон етишмаяпти, лекин унинг таъсирини натижаларга қандай ҳисоблаш мумкинлигини айта олмайман. Ва биз ҳеч қачон бундан баҳона сифатида фойдаланмаймиз», — дея қўшимча қилди мураббий.
Маълумот учун, «Ливерпуль» ва «Ноттингем Форест» ўртасидаги ўйин 22 ноябрь куни Тошкент вақти билан соат 20:00 да старт олади.
