Слот Кьезанинг ўйинидан норози
Жорий мавсумда 28 ёшли футболчи 16 ўйинда икки гол ва учта ассистга эга бўлди.
ФОТО: Getty images
«Ливерпуль» бош мураббийи Арне Слот вингер Федерико Кьезанинг ўйинидан қониқмаяпти.
Нидерландиялик мураббий ўтган мавсумда «Плимут»га сенсацион мағлубиятдан сўнг италиялик футболчидан қаттиқ ранжиди – ва бу мураббийнинг футболчига нисбатан норозилигининг ягона мисоли эмас, деб хабар беради журналист Льюис Стил.
Маълумотларга кўра, Слот Кьезага ишонмайди ва шу боис у асосий таркибга кириши қийин, ҳатто захирадан майдонга тушиб мунтазам гол урса ҳам.
Федерико Кьеза 2024 йил август ойида «Ювентус»дан «Ливерпуль»га кўчиб ўтган эди. Ўша ёзда «қизиллар»ни Арне Слот бошқаришни бошлаган. Жорий мавсумда 28 ёшли футболчи 16 ўйинда икки гол ва учта ассистга эга бўлди.
Розикжон Султонмуродов
Журналист