Slot Kyezaning o‘yinidan norozi
Joriy mavsumda 28 yoshli futbolchi 16 o‘yinda ikki gol va uchta assistga ega bo‘ldi.
ФОТО: Getty images
«Liverpul» bosh murabbiyi Arne Slot vinger Federiko Kyezaning o‘yinidan qoniqmayapti.
Niderlandiyalik murabbiy o‘tgan mavsumda «Plimut»ga sensatsion mag‘lubiyatdan so‘ng italiyalik futbolchidan qattiq ranjidi – va bu murabbiyning futbolchiga nisbatan noroziligidagi yagona misol emas, deb xabar beradi jurnalist Lyuis Stil.
Ma’lumotlarga ko‘ra, Slot Kyezaga ishonmaydi va shu bois u asosiy tarkibga kirishi qiyin, hatto zahiradan maydonga tushib muntazam gol ursa ham.
Federiko Kyeza 2024 yil avgust oyida «Yuventus»dan «Liverpul»ga ko‘chib o‘tgan edi. O‘sha yozda «qizillar»ni Arne Slot boshqarishni boshlagan. Joriy mavsumda 28 yoshli futbolchi 16 o‘yinda ikki gol va uchta assistga ega bo‘ldi.
Roziqjon Sultonmurodov
Jurnalist