Слот: «Бу «Ливерпул» билан биргаликдаги ажойиб саёҳат бўлди»
Унинг қўл остида «Ливерпул» 2024/2025 йилги мавсумда Англия чемпиони бўлди.
ФОТО: Getty images
«Ливерпул»нинг собиқ бош мураббийи Арне Слот клубдан ишдан бўшатилгандан сўнг мухлисларга мурожаат қилди.
«Бу «Ливерпул» билан биргаликдаги ажойиб саёҳат бўлди. Ўтган мавсумда чемпионликни қўлга кирита олганимиздан жуда миннатдорман», — дея Слотнинг сўзларини келтиради журналист Фабрицио Романо ўзининг X ижтимоий тармоғидаги саҳифасида.
Нидерландиялик мутахассис мерсисайдликларни 2024 йилнинг ёзидан бери бошқариб келаётган эди.
Унинг қўл остида «Ливерпул» 2024/2025 йилги мавсумда Англия чемпиони бўлди. Жорий мавсум якунларига кўра, «қизиллар» 60 очко тўплаб, бешинчи ўринни эгаллади. «Ливерпул»га тайинланишидан олдин Слот «Фейеноорд»ни бошқарган.
Розикжон Султонмуродов
Журналист
