«Славия» мухлислари жамоанинг чемпионлик ўйинини бузиб қўйишди
Чехия Экстралигаси чемпионлик плей-офф босқичининг 2-туридан ўрин олган «Спарта»га қарши дербида «Славия» мухлисларининг майдонга босиб кириши оқибатида жамоага техник мағлубият эълон қилинди.
Учрашувнинг сўнгги дақиқаларида майдон эгаларининг мухлислари майдонга югуриб чиқиб, меҳмон жамоа футболчиларига ҳужум қилишди. Ўйин тўхтатилишига мажбур бўлинди, ўша вақтда «қизил-оқлар» 3:2 ҳисобида олдинда бораётган эди ва ғалаба уларни муддатидан олдин чемпионга айлантирарди. «Спарта» футболчилари майдонни тарк этишди ва қайтиб чиқишдан бош тортди.
Футбол лигалари ассоциациясининг Интизом қўмитаси «Славия» клубини 10 миллион крон (тахминан 410 минг евро) миқдорида жаримага тортиш ва жамоага техник мағлубият ёзиш ҳақида қарор қабул қилди. Бундан ташқари, «қизил-оқлар» навбатдаги тўртта уй учрашувини томошабинларсиз ўтказадиган бўлди. «Славия» раҳбарияти ушбу жаза устида апелляция бермасликка қарор қилди.
Мавсум якунланишига уч тур қолганида «Славия» 74 очко билан Чехия чемпионати турнир жадвалида пешқадамлик қилмоқда. «Спарта» эса 69 очко билан иккинчи поғонани эгаллаб турибди.
