Скотт Мактоминей Саудиядан тушган катта таклифни рад этди
Футболчининг «Наполи» билан тузган амалдаги шартномаси 2028 йилнинг ёзида якунига етади.
ФОТО: Getty Images
Саудия Про-Лигасининг номи ошкор этилмаган клуби «Наполи» ярим ҳимоячиси Скотт Мактоминейга катта маошли шартнома таклиф қилди. Бу ҳақда журналист ва инсайдер Николо Скира хабар бермоқда.
Инсайдернинг маълум қилишича, Италия клуби хавбеки ушбу таклифни рад этган. Шотландиялик футболчи ўзининг ҳозирги жамоаси билан амалдаги келишувини 2030 йилга қадар узайтириш ниятида.
Жорий мавсумда Скотт Мактоминей клуб сафида барча турнирлар доирасида 36 та ўйинда майдонга тушиб, 11 та гол урди ва 3 та голли узатмани амалга оширди.
Футболчининг клуб билан амалдаги шартномаси 2028 йилнинг ёзига қадар мўлжалланган. Transfermarkt портали маълумотларига кўра, унинг бозор қиймати 45 миллион еврони ташкил этади.
Насрулло Каримов
Журналист