Скалони Месси қачон фаолиятини тугатиши ҳақида гапирди
Аргентина бош мураббийи Лео ҳақида ўз фикрларини билдирди.
ФОТО: Getty images
Аргентина терма жамоаси бош мураббийи Лионель Скалони жамоа сардори ва ҳужумчиси Лионель Мессининг қачон футболчилик фаолиятини якунлаши ҳақидаги саволга жавоб берди.
«Бу унинг ўзига боғлиқ. Унинг хоҳиши бор экан, у энг яхшилардан бири бўлиб қолаверади. Албатта, 50 ёшида эмас, аммо ўйнашни истар экан, у ҳамон энг кучлилардан бўлади. Мен ҳатто унинг 23–24 ёшида, "Барселона"да қандай ўйнаганини тасаввур ҳам қила олмайман. Биз бу ҳақда тез-тез гаплашамиз. Менимча, унда хоҳиш бор экан, у доимо энг яхшилардан бири бўлиб қолади», — деди Скалони Mundo Deportivo нашрига.
Лионель Месси фаолиятидаги олтинчи жаҳон чемпионатида иштирок этмоқда. У жорий мундиалда 8 та гол билан энг яхши тўпурарлар рўйхатида иккинчи ўринни эгаллаб турибди.
Розикжон Султонмуродов
Журналист