Скалони: «Ҳали устида ишлашимиз керак бўлган жиҳатлар кўп»
Аргентина терма жамоаси бош мураббийи Лионель Скалони Жаҳон чемпионати–2026 чорак финали якунларини сарҳисоб қилиб, жамоа ўйини ҳали ҳам такомиллаштиришни талаб қилишини таъкидлади.
«Ростини айтсам, бугун биз учун ўйин жуда оғир кечди. Рақиб жисмонан жуда кучли жамоа эканини билардик ва улар бизга кўплаб муаммолар туғдирди. Айрим вазиятлардан чиқиб кета олмадик.
Ростини айтганда, бугун омад ҳам бизнинг томонда бўлди. Рақиб бир футболчисидан айрилганидан кейин жамоамиз ҳужумларни кучайтирди.
Реалист бўлишимиз керак — ҳали ишлашимиз лозим бўлган жиҳатлар жуда кўп. Аммо ҳар қандай ҳолатда ҳам ғалаба ҳар доим яхшироқ. Бугун жамоа эришган натижа эса тарихий ютуқдир. Балки бундан ҳам яхшироқ ўйнашимиз мумкин эди, аммо яна бир бор Жаҳон чемпионати ярим финалига чиқишнинг ўзиёқ тарих», — деди мутахассис ФИФА расмий сайтига берган интервьюсида.
