«Сити» Гюлер учун 100 млн евро сарфламоқчи

“Реал” клуби ярим ҳимоячиси Арда Гюлер фаолиятини Англия Премьер Лигасида давом эттириши мумкин. Бу ҳақда Fichajes нашри хабар берди.

Футболчининг хизматига “шаҳарликлар” устози Пеп Гвардиоланинг шахсан ўзи жиддий қизиқиш билдирмоқда. Испаниялик мутахассис туркиялик юлдузни жамоага олиб келишни истамоқда ва “шаҳарликлар” уни қўлга киритиш учун 100 миллион евро таклиф қилишга тайёр. Аммо “Реал” раҳбарияти бу суммани музокара бошлаш учун ҳам етарли эмас деб ҳисобламоқда.

Арда Гюлер жорий мавсум “Реал Мадрид” таркибида 16 та ўйинда майдонга тушиб, 3 та гол ва 6 та голли узатма қайд этган. Унинг клуб билан шартномаси 2029-йилгача амал қилади. Transfermarkt портали Гюлернинг бозор қийматини 60 миллион еврога баҳолаган.

Розикжон Султонмуродов

Журналист