Симеоне: «Умид қиламанки, таркиб сифатли футболчилар билан кучайтирилади»
Мадриднинг «Атлетико» клуби бош мураббийи Диего Симеоне «Жирона» устидан қозонилган 1:0 ҳисобидаги ғалабадан сўнг ўз келажаги ва янги мавсумга тайёргарлик ҳақида фикр билдирди.
«Ҳозир мен ўз ҳолатимни тўғри баҳолаш ва янги мавсумга қандай тайёргарлик кўриш кераклигини тушунишга эътибор қаратганман. Мен ишимни давом эттираман. Умид қиламанки, таркиб сифатли футболчилар билан кучайтирилади. Охир-оқибат, кўп нарса мураббийлардан эмас, айнан футболчилардан боғлиқ.
Биз клубнинг молиявий жараёнларига таъсир қила олмаймиз — бизнинг вазифамиз бошқа: жамоани тайёрлаш ва яхши ўйин кўрсатиш. Олдимизда «Вильярреал»га қарши қийин ўйин турибди. Биз эса мавсумни муносиб якунлаш ва майдонда бор кучимизни беришни истаймиз. Шуни ваъда қила оламан», — деди Симеоне DAZN эфирида.
«Атлетико» Примеранинг сўнгги турида 24 май куни «Вильярреал»га қарши майдонга тушади.
