Симеоне Хулиан Альвареснинг “Севилья”га қарши ўйинда қатнашмаслигини тасдиқлади
“Севилья” ва “Атлетико” ўртасидаги Ла Лига 3-тур учрашуви 29 август куни бўлиб ўтади.
Фото: Getty Images
“Атлетико” бош мураббийи Диего Симеоне ҳужумчи Хулиан Альварес Ла Лиганинг навбатдаги турида “Севилья”га қарши баҳсда майдонга тушмаслигини тасдиқлади.
Аввалроқ аргентиналик футболчи бетоблиги сабаб кетма-кет уч кун жамоа машғулотларида иштирок этмагани хабар қилинган эди.
“Барча саволлар Хулиан ҳақида бўлишини тушунаман. Аммо ҳозир бор эътиборимни ‘Севилья’га қарши ўйинга қаратганман. Альварес бу учрашувда майдонга туша олмайди”, — деди Симеоне матбуот анжуманида.
Маълумот учун, “Севилья” ва “Атлетико” ўртасидаги Ла Лига 3-тур учрашуви 29 август куни бўлиб ўтади.
Насрулло Каримов
Журналист