Simeone Xulian Alvaresning “Sevilya”ga qarshi o‘yinda qatnashmasligini tasdiqladi

“Atletiko” bosh murabbiyi Diego Simeone hujumchi Xulian Alvares La Liganing navbatdagi turida “Sevilya”ga qarshi bahsda maydonga tushmasligini tasdiqladi.

Avvalroq argentinalik futbolchi betobligi sabab ketma-ket uch kun jamoa mashg‘ulotlarida ishtirok etmagani xabar qilingan edi.

“Barcha savollar Xulian haqida bo‘lishini tushunaman. Ammo hozir bor e’tiborimni ‘Sevilya’ga qarshi o‘yinga qaratganman. Alvares bu uchrashuvda maydonga tusha olmaydi”, — dedi Simeone matbuot anjumanida.

Ma’lumot uchun, “Sevilya” va “Atletiko” o‘rtasidagi La Liga 3-tur uchrashuvi 29-avgust kuni bo‘lib o‘tadi.

Nasrullo Karimov

Jurnalist

0 0 0 0 0 0