Симеоне: «Гвардиола – дунёнинг энг яхши мураббийи»
“Атлетико” бош мураббийи Диего Симеоне Пеп Гвардиоланинг “Манчестер Сити”дан кетиши ҳақида фикр билдирди.
Симеоненинг таъкидлашича, у Гвардиоланинг матбуот анжуманидаги сўзларини ўқиб чиққан ва уларни ўзига жуда яқин деб ҳисоблайди:
«Гвардиола ҳаммасини жуда яхши тушунтирди: ҳар уч кунда жамоатчилик олдида бўлиш, рақобат қилиш, футболчилар билан мулоқот, жамоани бошқариш — буларнинг барчаси ҳеч қачон тўхтамайдиган “қор кўчкиси” каби босимни юзага келтиради».
Шунингдек, аргентиналик мутахассис Гвардиоланинг ишига юқори баҳо берди:
«Пеп ажойиб иш қилди. Ҳозирги кунда у, шубҳасиз, дунёдаги энг яхши мураббий. Унинг ўзини ривожлантириш ва ғалаба қозониш қобилияти бунга сабаб. Ҳа, унинг жамоасида энг яхши футболчилар бор, аммо барибир ютиш осон эмас», - деди Симеоне.
