Симеоне бошқарувидаги «Атлетико» учинчи бор «Барселона»ни Чемпионлар Лигасидан чиқариб юбoрди
Мадриднинг «Атлетико» клуби УЕФА Чемпионлар Лигаси чорак финалида икки ўйин натижасига кўра (2:0, 1:2) «Барселона»ни мағлуб этиб, мусобақадан чиқариб юбoрди.
Шу тариқа, Диего Симеоне қўл остидаги «Атлетико» Чемпионлар Лигаси доирасида учинчи бор «Барселона»дан устун келди — Мадрид клуби аввалроқ 2013/2014 ҳамда 2015/2016 йилги мавсумларда ҳам каталонияликларни мусобақадан чиқариб юборган эди.
Эътиборлиси, ушбу мавсумда «Атлетико» «Барселона»ни иккинчи турнирдан ҳам чиқариб юбормоқда — бундан аввал «матрасчилар» Испания Кубогининг чорак финал босқичида ҳам «Барселона» устидан ғалаба қозонишган эди.
Яримфиналда «Атлетико» жамоаси «Арсенал» — «Спортинг» жуфтлиги ғолиби билан тўқнаш келади. Мазкур жамоалар ўртасидаги биринчи учрашув бир ҳафта олдин бўлиб ўтган ва унда Англия клубининг қўли баланд келган эди (1:0).
Маълумот учун, Симеоне 2011 йилдан буён «Атлетико»ни бошқариб келмоқда.
