Симеоне Альваресни «Атлетико«да қолдиришни истамаяпти
Аргентиналик ҳужумчининг “Атлетико” билан амалдаги шартномаси 2030 йил 30 июнга қадар мўлжалланган.
ФОТО: Getty images
Мадриднинг “Атлетико” бош мураббийи Диего Симеоне ҳужумчи Хулиан Альвареснинг трансферига қарши эмас. Бу ҳақда Diario Sport хабар берди.
Манба маълумотига кўра, Симеоне Альвареснинг клубни тарк этиш истагини очиқчасига билдирганидан сўнг унга бўлган ишончини йўқотган ва энди уни жамоа режаларига киритмаяпти.
“Матрасчилар” раҳбарияти футболчини сотиш бўйича музокараларга тайёр. Бироқ клуб фақат 150 миллион евронинг барчаси бир йўла тўланадиган таклифларни кўриб чиқади.
Аввалроқ “Барселона” ҳам Альваресни ўз сафига қўшиб олишга қизиқиш билдиргани ҳақида хабарлар тарқалган эди.
Аргентиналик ҳужумчининг “Атлетико” билан амалдаги шартномаси 2030 йил 30 июнга қадар мўлжалланган.
Розикжон Султонмуродов
Журналист