Simeone Alvaresni «Atletiko«da qoldirishni istamayapti

Madridning “Atletiko” bosh murabbiyi Diego Simeone hujumchi Xulian Alvaresning transferiga qarshi emas. Bu haqda Diario Sport xabar berdi.

Manba ma'lumotiga ko‘ra, Simeone Alvaresning klubni tark etish istagini ochiqchasiga bildirganidan so‘ng unga bo‘lgan ishonchini yo‘qotgan va endi uni jamoa rejalariga kiritmayapti.

“Matraschilar” rahbariyati futbolchini sotish bo‘yicha muzokaralarga tayyor. Biroq klub faqat 150 million yevroning barchasi bir yo‘la to‘lanadigan takliflarni ko‘rib chiqadi.

Avvalroq “Barselona” ham Alvaresni o‘z safiga qo‘shib olishga qiziqish bildirgani haqida xabarlar tarqalgan edi.

Argentinalik hujumchining “Atletiko” bilan amaldagi shartnomasi 2030 yil 30 iyunga qadar mo'ljallangan.

Roziqjon Sultonmurodov

Jurnalist