Шумахер биринчи, Хэмилтон иккинчи — Formula-1 тарихидаги энг бой беш пойгачи рўйхати эълон қилинди
GQ Sports нашри Formula-1 тарихидаги энг бой беш пилот рўйхатини эълон қилди.
GQ Sports версиясига кўра, энг бой 5 Formula-1 пилоти:
- Михаэл Шумахер — 790 млн доллар
- Льюис Хэмилтон — 304 млн доллар
- Фернандо Алонсо — 264 млн доллар
- Кими Райкконен — 254 млн доллар
- Ники Лауда — 203 млн доллар
Михаэл Шумахер ва Льюис Хэмилтон Formula-1 етти карра чемпионлари ҳисобланади. Немис ҳайдовчи 1991—2006 ва 2010—2012 йилларда серияда қатнашган бўлиб, «Jordan», «Benetton», «Ferrari» ва «Mercedes» жамоаларида пилот бўлган. Хэмилтон эса 2007 йилда «McLaren» сафида дебют қилган, кейин «Mercedes»да, 2025 йилдан эса «Ferrari» жамоасида фаолият юритмоқда.
Фернандо Алонсо Formula-1 икки карра чемпион. У «Minardi», «Renault», «McLaren», «Ferrari» ва «Alpine» жамоаларида фаолият юритган. Ҳозирда «Aston Martin» пилотидир.
Кими Райкконен Formula-1 чемпиони. 2001 йилда «Sauber» билан дебют қилган. 2010—2011 йилларда WRCда иштирок этган, сўнгра яна Formula-1га қайтган. У «McLaren», «Ferrari», «Lotus» ва «Alfa Romeo» жамоаларида пойгалар ўтказган.
Ники Лауда уч карра Formula-1 чемпиони. У 13 мавсум (1971—1979, 1982—1985) давомида «March», «BRM», «Ferrari», «Brabham» ва «McLaren» жамоаларида қатнашган.
