Шомуродовнинг янги жамоаси маълум бўлди
Фото: Getty Images
Ўзбекистон миллий терма жамоаси сардори Элдор Шомуродов Туркиянинг "Истанбул" жамоаси сафига кўчиб ўтади.
Журналист ва инсайдер Жанлука ди Марсионинг хабарига кўра, "Рома" ва "Истанбул" клублари ўртасидаги музокаралар деярли якунланиб қолган.
Элдор Шомуродовнинг ўзи ҳам ушбу трансферга розилик билдирган. Унга кўра, турк клуби футболчини сотиб олиш шарти билан ижарага олади.
Аввалроқ унга “Ренн” ва “Кремонезе” жамоалари ҳам қизиқиш билдирганди.
Эслатиб ўтамиз, ўтган мавсумда Шомуродов А сериянинг 27 ўйинида майдонга тушиб, 4 тадан гол ва ассист қайд этган.
Розикжон Султонмуродов
Журналист
