Шомуродовнинг голи «Истанбул Башакшеҳир»га ғалаба келтирди
Шомуродовнинг голлари сони 16 тага етди.
ФОТО: Getty images
Туркия Суперлигасининг 23-тури доирасида «Истанбул Башакшеҳир» меҳмонда «Аланьяспор» устидан 2:1 ҳисобида ғалаба қозонди. Учрашувдаги ҳал қилувчи гол ўзбекистонлик ҳужумчи Элдор Шомуродов томонидан киритилди.
Ўйиннинг 14-дақиқасида Деви Зелке меҳмонларни олдинга олиб чиққан бўлса, 44-дақиқада Аббосбек Файзуллаев ишлаган пеналтини Элдор Шомуродов муваффақиятли амалга оширди. Бу ҳужумчининг жорий мавсумдаги 16-голига айланди. Ушбу натижа эвазига у тўпурарлар рўйхатида «Трабзонспор» вакили Пол Онуачуга етиб олди. Ҳозирда айнан шу икки футболчи мусобақа тўпурарлари пойгасини бошқармоқда.
Ўзбекистон миллий жамоаси футболчилари Аббосбек Файзуллаев ва Элдор Шомуродов учрашувни асосий таркибда бошлади ва майдонда 70 дақиқа ҳаракат қилди.
Розикжон Султонмуродов
Журналист