Шомуродов Туркия чемпионатига йўл олишга яқин турибди
Фото: Getty Images
Ўзбекистонлик ҳужумчи Элдор Шомуродов “Рома” клубини тарк этиб, Туркиянинг “Истанбул Башакшеҳир” жамоасига ўтиши арафасида турибди. Бу ҳақда “Roma press” хабар берди.
Манбага кўра, трансфер деярли якунига етган – “Башакшеҳир”, “Рома” ва Шомуродов ўртасида дастлабки келишувга эришилган.
Эслатиб ўтамиз, ўзбекистонлик ҳужумчининг “Рома” билан амалдаги шартномаси 2026 йилнинг ёзида якунланади. Шунга қарамай, у жамоани тарк этиши кутилмоқда.
Аввалроқ унга “Ренн” ва “Кремонезе” жамоалари ҳам қизиқиш билдираётгани хабар қилинганди.
Ўтган мавсумда Элдор Шомуродов “Рома” сафида барча турнирларда 37 ўйин ўтказиб, 7 та гол ва 5 та голли узатмани амалга оширди.
Баҳром Бобонов
Редактор
