Шлоттербек ЖЧнинг қолган қисмини ўтказиб юборади — Bild
Футболчининг тикланиши кутилмоқда, аммо у турнирнинг қолган қисмини ўтказиб юборади.
ФОТО: Getty images
Германия терма жамоасининг 26 ёшли ҳимоячиси Нико Шлоттербек Кот-д'Ивуарга (2:1) қарши ўйинда олган жароҳатидан сўнг Жаҳон чемпионати – 2026 нинг қолган қисмини ўтказиб юборади, дея хабар бермоқда Bild.
Манбанинг хабарига кўра, футболчи қўшимча тиббий кўрикдан ўтган, унда тиззанинг медиал боғлами узилгани аниқланган. Футболчининг тикланиши кутилмоқда, аммо у турнирнинг қолган қисмини ўтказиб юборади.
Эслатиб ўтамиз, ЖЧ-2026 гуруҳ босқичининг 2-турида Кот-д'Ивуарга қарши ўйинда Шлоттербек 13-дақиқада жароҳат олган, аммо оғриқ қолдирувчи дорилар ёрдамида танаффусгача ўйинни давом эттирган, шундан сўнг унинг ўрнига Антонио Рюдигер майдонга тушган.
ЖЧ-2026 гуруҳ босқичининг 3-турида Германия терма жамоаси 25 июнь куни Эквадор билан учрашади.