Шлоттербек фаолиятини АПЛда давом эттириши мумкин
Дортмунднинг “Боруссия” клуби марказий ҳимоячиси Нико Шлоттербек фаолиятини Англия Премьер Лигасида давом эттириши мумкин. Бу ҳақда ТЕАМtalk нашри хабар берди.
Унга “Манчестер Юнайтед” ва “Ливерпуль” жамоалари ҳимоячи учун курашмоқда.
Манбага кўра, “Боруссия” ҳозир молиявий қийинчиликларга дуч келган, шу сабабли фойдали таклиф тушса, клуб 25 ёшли ҳимоячини сотиб юбориши мумкин.
Дортмундликлар футболчини 40-50 миллион евро атрофида баҳоламоқда. Аммо Никонинг шартномаси 2027 йилда якунланиши инобатга олинса, бу сумма бир оз камайиши мумкинлиги тахмин қилинмоқда.
Шлоттербек жорий мавсум барча мусобақалар доирасида жами 10 та ўйинда майдонга тушиб, битта голли узатма муаллифига айланган. Transfermarkt маълумотига кўра, унинг бозор қиймати 40 миллион еврони ташкил қилади.
