Шевалье ва Дембеле «ПСЖ»нинг «Атлетик»га қарши ўйинини ўтказиб юборади
Ушбу баҳс 10 декабрь куни бўлиб ўтади.
«ПСЖ» дарвозабони Люка Шевалье жамоанинг Чемпионлар лигаси умумий босқичи 6-тур ўйини учун қайдномага киритилмади. Бу ҳақда журналист Фабрис Хоукинс X ижтимоий тармоғида хабар берди.
Манбага кўра, ушбу учрашувда майдонга тушадиган футболчилар рўйхатига вингер Усмон Дембеле ҳам киритилмаган.
Қайд этилишича, Шевалье ҳали ҳам тўпиқдаги оғриқдан азият чекмоқда, Дембеле эса вирусли касалликка чалинган. Лига 1нинг 15-турида жароҳат олган Люканинг ўрнига Матвей Сафонов асосий таркибда майдонга тушганди.
Маълумот учун, «Атлетик» — «ПСЖ» учрашуви 10 декабрь, чоршанба куни Тошкент вақти билан соат 01:00 да старт олади.
Насрулло Каримов
Журналист