Шерзод Эсанов Беларуснинг «Динамо-Брест» клуби аъзосига айланди
Ўзбекистон U23 терма жамоаси ярим ҳимоячиси Шерзод Эсанов Беларуснинг «Динамо-Брест» клуби билан шартнома имзолади. Бу ҳақда брестлик билан шартнома имзолади.
22 ёшли футболчининг «Динамо-Брест» билан келишуви 2025 йил мавсуми охиригача мўлжалланган.
Эсанов 2003 йил 1 февралда Ўзбекистоннинг Навоий шаҳрида туғилган. У «Қизилқум» клуби тарбияланувчиси ҳисобланади. Кейинчалик у «Чиғатой», «Андижон» ва «Олимпик» жамоаларида тўп сурган. Ўзбекистон чемпионати доирасида у 27 учрашув ўтказиб, 2 та гол урган.
2024 йил ёзида Эсанов Россиянинг РПЛда иштирок этувчи «Акрон» клубига йўл олди. У ерда ярим ҳимоячи чемпионат ва Россия кубоги доирасида жами 16 учрашув ўтказиб, 1 та гол киритган.
Клуб даражасидаги фаолиятидан ташқари, Эсанов мамлакат терма жамоаларида ҳам бой тажрибага эга. У Ўзбекистон U20 термаси билан 2023 йили Осиё Кубогини қўлга киритган, U23 таркибида эса 2022 йилги Ёзги Осиё ўйинларида бронза медалини ютиб олган.
