Шерзод Эсанов «Акрон»ни тарк этди
Фото: Getty Images
Ўзбекистон U-23 жамоаси ярим ҳимоячиси Шерзод Эсанов эркин агентга айланди.
22 ёшли ўйинчи “Акрон” билан шартномасини ўзаро келишувга кўра бекор қилди.
Шу тариқа Россия Премер-лигасида ўзбекистонлик футболчи қолмади.
Эсанов «Акрон» сафига 2024 йил июль ойида “Андижон”дан қўшилганди. У Россия клуби таркибида РПЛда 9 та, кубокда 7 та баҳсда майдонга тушди ва 1 та гол уришга эришди.
Шерзод фаолияти давомида “Андижон”дан ташқари «Олимпик» клубида ҳам тўп тепган.
Баҳром Бобонов
Редактор