\"Шерлар\" бугун \"қизил иблислар\" билан тўқнаш келади
Испаниядаги “San Mames” ўйингоҳи клуб тарихидаги учинчи, янги майдон тарихидаги биринчи Европа лигаси ярим финал баҳсига мезбонлик қилади.
Рақиб қўрқинчли, “Манчестер Юнайтед”! Дунёдаги энг машҳур клублардан бири. Англия премьер-лигаcидаги омадсизликларига қарамасдан, “қизил иблислар” Европа лигасида мағлубиятга учрамаган ягона жамоа ҳисобланади ва бу эса “Юнайтед”нинг янада қўрқинчли эканлигини билдиради.
Бруну Фернандеш, Харри Магуайер ва Горначо каби юлдузлар “Олд Траффорд”даги жавоб учрашуви олдидан максимал даражадаги натижани қўлга киритиш учун борини беришга Испанияга ташриф буюради.
Бошқа томондан, “шерлар” рақибни ҳужумлар билан қарши олиши ва ҳимояда ҳам жиддийликни йўқотмаган ҳолда “San Mames”да ғалабани нақд қилиб, Англияга финал йўлланмасини қўлга киритиш учун бориши керак бўлади.
“Атлетик” ушбу чемпионатнинг ярим финалидан икки марта ўта олган ва улардан бири УЕФА кубоги номи остида кечганди. Испанлар бу сафар олдингиларидан фарқли равишда ярим финалнинг жавоб ўйинида меҳмонга сафар қилади.
Балким, “Атлетик Бильбао”нинг яна бир олтин авлодини кўриб тургандирмиз, балким, “Манчестер Юнайтед”нинг турнирда ғолибликни қўлга киритиши охирги йиллардаги омадсизликнинг “ювилиб кетиши”га сабаб бўлар? Буни энди вақт кўрсатади.
Европа лигаси | 1/2 финал
"Атлетик Бильбао" vs "Манчестер Юнайтед"
Учрашув Тошкент вақти билан 00:00 да старт олади.
