Шацких: Ўзбекистон терма жамоаси фақатгина Хусанов ва Шомуродовдан иборат эмас
Киевнинг “Динамо” жамоасининг афсонавий ҳужумчиси ва Ўзбекистон терма жамоасининг собиқ сардори Максим Шацких Dynamo.kiev.ua нашрига берган интервьюсида миллий жамоамизнинг 2026 йилги жаҳон чемпионатига тарихий йўлланма олганини изоҳлади.
— “Мен умуман ‘юлдузлар’ деган тушунчани тўғри қабул қилмайман. Ҳа, Шомуродов ҳозир ‘Рома’да, Хусанов эса ‘Манчестер Сити’да тўп сурмоқда. Хусанов ҳали ёш, келажаги олдинда. Агар мақом жиҳатидан қаралса — уларни юлдуз деб аташ мумкин. Лекин Ўзбекистонда Эрон чемпионатида ўйнаётган кучли футболчилар ҳам бор”, — деди Шацких.
Унинг таъкидлашича, терма жамоа таркибида Россия, Туркия ва бошқа чемпионатларда тўп сурган футболчилар ҳам бор:
— “Икки нафар футболчимиз Россияда, яна бир нечтаси Туркияда ўйнамоқда. Умуман олганда, ҳозирда жамоамиз таркиби жуда сифатли”.
Эслатиб ўтамиз, ҳимоячи Абдуқодир Хусанов 2025 йил бошида Франциянинг “Ланс” жамоасидан Англиянинг “Манчестер Сити” клубига 40 миллион фунт эвазига ўтган. Элдор Шомуродов esa 2021 йили “Женоа”дан “Рома”га 17,5 миллион евро қарийбида кўчиб ўтган эди.
