«Шалке» Итaн Уитлига қизиқиш билдирмоқда

Бундеслигага йўлланма олган Германиянинг «Шалке» клуби Англиянинг «Манчестер Юнайтед» клуби тарбияланувчиси билан кучайиши мумкин. Инсайдер Пит О'Руркнинг X ижтимоий тармоғида хабар беришича, 20 ёшли ҳужумчи Итaн Уитли гельзенкирхенликлар назарига тушган.

Манбага кўра, «Шалке» англиялик футболчини доимий асосда сотиб олишга қизиқмоқда, бироқ «Манчестер Юнайтед» футболчини ижарага беришни истайди. Шунингдек, футболчининг хизматларига бошқа бир қатор клублар ҳам қизиқиш билдираётгани хабар қилинмоқда.

Уитли мавсумнинг биринчи қисмини «Нортгемптон» клубида, иккинчи қисмини эса Англиянинг куч бўйича учинчи дивизиони вакили «Брэдфорд»да ижарада ўтказди. У жами 37 та ўйинда учта гол ва тўртта голли узатма муаллифига айланган.

Розикжон Султонмуродов

Журналист