«Шалке-04» Лорис Кариус билан шартномани узайтирди
Гельзенкирхеннинг «Шалке-04» клуби ўз расмий сайтида дарвозабон Лорис Кариус билан шартнома узайтирилганини эълон қилди. Футболчининг «кончилар» билан тузган янги меҳнат шартномаси 2028 йил ёзига қадар мўлжалланган.
«Ўтган мавсум биз бир жамоа бўлиб, жипслашган ва бор эътиборимизни қаратган ҳолда ҳаракат қилсак, нималарга қодир эканлигимизни кўрсатиб берди. Айнан шу сабабли ҳам мен шартномани узайтириш борасида қатъий қарорга келдим. Янгӣ мавсумни ва Бундеслигага қайтишни интиқлик билан кутяпман», — дея Кариуснинг сўзларини келтирмоқда немис клуби расмий сайти.
Лорис Кариус 2025 йилнинг январ ойидан бери «Шалке-04» шарафини ҳимоя қилиб келмоқда. Ўтган мавсумда у клуб миқёсида 31 та ўйинда майдонга тушиб, 13 та учрашувда ўз дарвозаси дахлсизлигини сақлаб қолди. Якунига етган мавсум натижасига кўра, жамоа Бундеслигага йўлланма олди.
