«Севилья» клуби 2026 йил бошида сотилиши мумкин
Испаниянинг машҳур «Севилья» клуби сотилиши мумкин. Битим 2026 йил бошида якунланиши кутилмоқда. Бу ҳақда AS нашри хабар берди.
Манбага кўра, бир неча хорижий инвестиция фондлари клубни сотиб олишга қизиқиш билдирган. Сўнгги йилларда «Севилья»да асосий акциядорлар ўртасида ҳокимият учун ички кураш давом этиб келмоқда. Битим амалга ошиши учун улар 2027 йилгача ўзаро келишувга эришишлари зарур.
Бироқ, янги эгани клубнинг катта молиявий қарзи кутмоқда. «Севилья» расмий маълумотларига кўра, қарз 100 миллион евро атрофида, аммо айрим манбалар бу рақам 200 миллион евродан ошиб кетиши мумкинлигини айтишмоқда.
Маълумот учун, ҳозирда клубни Гихарро, Каррион, Алес ва Кастро оилалари бошқаради. «Севилья» президенти лавозимида эса Хосе Мария Дел Нидо Карраско фаолият юритмоқда.
