Сеск Фабрегас Чалханоглуга юкори бахо берди: «У худди Пирло, Модрич ва Кроос каби»
«Интер» Италия Кубоги финалига чиқди.
ФОТО: Getty Images
Италиянинг «Комо» клуби бош мураббийи Сеск Фабрегас «Интер» ярим ҳимоячиси Ҳоқон Чалханоглу ҳақида ўзининг ҳайратини яширмади. Кеча, 21 апрель куни Италия Кубоги яримфинали доирасида «Комо» ўз майдонида «Интер»га 2:3 ҳисобига имкониятни бой бериб, турнирни тарк этган эди.
«Менга Чалханоглу жуда ёқади, у худди Пирло, Модрич, Кроос каби... Дунёда унга ўхшаш футболчилар жуда кам. Футболчи сифатида унга ошиқман. Уни бундай юқори савияда кўриш ҳақиқатан ҳам ҳайратланарли, у жамоани олдинга бошлайди», — дея Фабрегаснинг сўзларини келтирмоқда журналист Николо Скира.
Италия Кубоги финалида «Интер» жамоаси «Лацио» — «Аталанта» жуфтлиги ғолиби билан тўқнаш келади. Ушбу жамоалар ўртасидаги дастлабки учрашувда 2:2 ҳисобига дуранг қайд этилган эди.
Насрулло Каримов
Журналист