Сержиу Консейсау — «Ал-Иттиҳод» бош мураббийи (Романо)
Ҳозирда жамоа Саудия чемпионатида 4 та турдан сўнг 9 очко тўплаб, 3-ўринни эгаллаган.
ФОТО: Getty images
Саудия чемпионатининг ўтган мавсумдаги ғолиби “Ал-Иттиҳод” ниҳоят янги мураббий масаласини ҳал қилди.
Инсайдер Фабрицио Романо ёзишича, Жидда клуби португалиялик мутахассис Сержиу Консейсау билан 2027 йил ёзигача мўлжалланган шартнома имзолади. Тез орада расман эълон қилади.
Эслатиб ўтамиз, Саудиянинг амалдаги чемпиони мамлакат пролигасида “Ан-Наср”га (0:2) мағлуб бўлганидан кейин Лоран Бланни истеъфога чиқарганди.
Ҳозирда жамоа Саудия чемпионатида 4 та турдан сўнг 9 очко тўплаб, 3-ўринни эгаллаган.
50 ёшли Консейсаунинг сўнгги клуби “Милан” бўлган ва у ўтган мавсум сўнгида “россонери” билан хайрлашганди.
Розикжон Султонмуродов
Журналист