Серлот Чемпионлар Лигасида хет-трик қайд этган «Атлетико»нинг иккинчи футболчисига айланди
Аввалроқ Мадрид клуби «Брюгге»ни йирик ҳисобда мағлуб этди.
ФОТО: Getty Images
Мадриднинг «Атлетико» клуби ҳужумчиси Александр Серлот «Брюгге»га қарши жавоб ўйинида (4:1) учта гол уриб, жамоасини нимчорак финалга олиб чиқди.
Шу тариқа, норвегиялик форвард клуб тарихида Чемпионлар Лигасининг бир ўйинида хет-трик қайд этган иккинчи футболчига айланди.
Бунгача «матрасчилар» сафида фақат Марио Манджукич 2014 йилда ушбу натижани қайд этган эди. Орадан 12 йил ўтиб Серлот бу натижани такрорлади.
Дастлабки баҳсдаги 3:3 ҳисобидан сўнг, Мадридда зафар қучган «Атлетико» 1/8 финал йўлланмасини қўлга киритди. Энди улар кейинги босқичда «Ливерпуль» ёки «Тоттенхем» билан тўқнаш келишади.
Насрулло Каримов
Журналист