Серхио Бускетс «Барселона»да мураббийлик фаолиятини бошлаши мумкин
У клубнинг иккинчи жамоасида Жулиано Беллетти бошчилигидаги мураббийлар штабига қўшилиши кутилмоқда.
Фото: Getty Images
«Барселона»нинг собиқ ярим ҳимоячиси Серхио Бускетс Каталония клубига мураббий сифатида қайтиши мумкин. У клубнинг иккинчи жамоасида Жулиано Беллетти бошчилигидаги мураббийлар штабига қўшилиши кутилмоқда.
Маълумотларга кўра, «Барселона» раҳбарияти Бускетснинг қайтишига ижобий муносабатда. Ҳозирча унинг мураббийлик лицензияси йўқ, аммо бу клубнинг собиқ футболчини штабга жалб қилиш режасига тўсқинлик қилмаяпти.
Бускетс «Барселона» сафида 15 мавсум ўтказган ва клуб билан 30 дан ортиқ совринларни қўлга киритган. Кейинчалик у «Интер Майами» да фаолиятини давом эттириб, футболчилик фаолиятини якунлаган.
Эндиликда 2010 йилги жаҳон чемпиони ўзи учун янги босқични бошлаши ва мураббий сифатида яна «Барселона» тизимига қайтиши мумкин.
Насрулло Каримов
Журналист