Сергей Лебедев – ФарДУ бош мураббийи
Клуб Шавкат Юсуповни истеъфога чиқарди.
Фото: ФарДУ
Ўзбекистон Про-лигасининг навбатдаги қисмига тайёргарликни давом эттираётган "ФарДУ" футбол клубимизга янги бош мураббий тайинланди. Бир неча мавсумдан буён клубимизда самарали меҳнат қилиб келаётган тажрибали мутахассис Сергей Лебедев жамоани чемпионатнинг навбатдаги қисмига тайёрлайди.
Сергей Лебедев футболчилик фаолияти давомида 1994 йилги Осиё ўйинлари ғолиблигини, Фарғонанинг "Нефтчи" клуби сафида 5 карра Ўзбекистон чемпионилигини қўлга киритган. Шунингдек, у Ўзбекистон миллий терма жамоаси сафида 33 та ўйин ўтказиб, жами 10 та гол киритишга муваффақ бўлган.
Бундан ташқари, Сергей Лебедев Ўзбекистон номидан жаҳон термаси таркибида майдонга тушган ягона футболчи ҳисобланади.
Розикжон Султонмуродов
Журналист