Сербия клуби Абубакир Муйдинов билан хайрлашмоқчи
Ўзбек футболчиси 12 ўйинда натижа қайд этолмагани сабаб клубда қолмаслиги мумкин
Расм: Gazeta.uz
Кўпчилик билмаган бўлиши мумкин, лекин ўзбек вингери Абубакир Муйдинов жорий йилнинг февраль ойида Сербиянинг “Траял” клуби билан шартнома имзолаганди. Бу жамоа мамлакатнинг иккинчи дивизионида иштирок этади.
“Траял” футболчини жамоани тушиб кетишдан сақлаб қолиш мақсадида таклиф этган. Мақсадга эришилди, бироқ Муйдиновнинг ўйин амалиёти кам бўлди — у 12 та учрашувда қатнашиб, гол ҳам, ассист ҳам қайд этолмади. Шу сабабли, 24 ёшли футболчи яқин вақтда клубни тарк этиши кутилмоқда. Унинг келгуси манзили сифатида Осиё чемпионатларидан бири кўрилмоқда.
Эслатиб ўтамиз, Абубакир аввал Португалияда ёшлар лигасида тўп сурган, шунингдек, БАА, Эстония ва Ўзбекистонда ҳам профессионал даражада ўйнаган.
Бакрадзе Иман
Редактор