Serbiya klubi Abubakir Muydinov bilan xayrlashmoqchi

O'zbek futbolchisi 12 o'yinda natija qayd eta olmagani sabab klubda qolmasligi mumkin

Futbol 25 iyn 2025 da 06:27

Rasm: Gazeta.uz

Ko'pchilik bilmagan bo'lishi mumkin, lekin o'zbek vingeri Abubakir Muydinov joriy yilning fevral oyida Serbiyaning “Trayal” klubi bilan shartnoma imzolagandi. Bu jamoa mamlakatning ikkinchi divizionida ishtirok etadi.

“Trayal” futbolchini jamoani tushib ketishdan saqlab qolish maqsadida taklif etgan. Maqsadga erishildi, biroq Muydinovning o'yin amaliyoti kam bo'ldi — u 12 ta uchrashuvda qatnashib, gol ham, assist ham qayd eta olmadi. Shu sababli, 24 yoshli futbolchi yaqin vaqt ichida klubni tark etishi kutilmoqda. Uning kelgusi manzili sifatida Osiyo chempionatlaridan biri ko'rilmoqda.

Eslatib o'tamiz, Abubakir avval Portugaliyada yoshlar ligasida to'p surgan, shuningdek, BAA, Estoniya va O'zbekistonda ham professional darajada o'ynagan.