Сенеси ёзда «Борнмут»ни тарк этади
Аргентина терма жамоаси ҳимоячиси Маркос Сенеси ёзда «Борнмут» клубини тарк этади. Бу ҳақда жамоанинг расмий сайти маълум қилди.
Клуб баёнотида таъкидланишича, Сенеси шартномаси якунига етиши муносабати билан жамоадан кетади ва шу тариқа Англия жанубий соҳилларида ўтган тўрт йиллик фаолиятига якун ясайди. У 2022 йилда «Фейеноорд» жамоасидан «Борнмут»га кўчиб ўтган ва шу вақт давомида клуб тарихидаги энг муваффақиятли даврлардан бирида асосий фигуралардан бирига айланган.
Марказий ҳимоячи «Борнмут» сафида жами 124 та ўйин ўтказиб, жамоанинг Англия Премьер-лигасидаги мавқеини мустаҳкамлашда муҳим ўрин тутди.
Сенеси ўз чиқишида қуйидагиларни таъкидлади:
«Бу клубга келган илк кунимданоқ ўзимни уйдагидек ҳис қилдим. Сўнгги тўрт йилда эришган ютуқларимиздан фахрланаман ва мухлисларнинг доимий қўллаб-қувватлови учун миннатдорман.
«Борнмут» ҳар доим юрагимда алоҳида ўрин тутади. Бу ерда ўтган вақтларни илиқ хотиралар билан эслайман. Ҳозир мавсум охиригача яна икки муҳим ўйин бор ва жамоа билан биргаликда яна нимага эриша олишимизни интизорлик билан кутяпман», — деди Сенеси.
